JOBS
EDUCATOR
At present I am working as Principal in a prestigious International School. NCC-Officer
FREELANCE WRITER
I worked as Trainee Chemist with worlds largest producer of Ayurvedic medicines for 2 years.
FATHER’S NAME : Shri R.P.Bajpai.(Retired from Rly.)
MOTHER’S NAME : Smt Sudha Bajpai.(Simple housewife)
NATIONALITY : Indian
DATE OF BIRTH : 15/03/1978
GENDER : Male
CATEGORY : General
MARITAL STATUS : Married
IDEOLOGY : Simple living high thinking.
STRENGTHS : Creativity, Straightforwardness, Diligence, Will power.
MySelf (mera jivan kora kagaz)
Mana manjilen
bahut door he raste lapata magar hauslon me koi kami nahi, iraade
faulaad se bhi mazboot he aur mann me atal vishwas he ki hum sahi he, ab
manzilen na mile na sahi raaston ko naaj hoga musafir aur bhi gujrenge
zindgi ki rahon se par mera andaaz unse juda hoga. Hume to apno ne luta
gairon me kahan dum tha hum to wahan jate bhi nahi the pani jahan pe kam
tha, par wo kehte he na ki jab aadmi ka bura waqt ho to oonth par
baithe bone admi ko bhi kutta kaat jata he, khair waqt acha ho ya bura
koi gum nahi hum he to waqt he hum wqat se nahi.
Rishte nate pyar wafa sabne zindgi me dastak
di mehmaan bhi bane par humsafar na bana koi , jiska jitna jabtak man
kiya khela unke liye duniya he ek mela me nasamajh fir reh gaya akela.
Main sonchta tha me zamane se alag tha magar aisa na tha the mere jaise
aur bhi the par main kisi ke jaisa na tha, bikne ko the taiyar pyar wafa
aur dost magar mere paas paisa na tha. Jivan ke agnipath par akela
chala jisne jo manga diya dusron ke hisse ka zahar bhi piya par daaman
me aaj kutch agar he to wo he meri khatayen, dusron ki nafrat, muflisi
aur unsuljhe chand sawalat, par hume iska bhi gum nahi jo karle
majburion se samjhota wo hum nahi. Sabhi grah nakshatra sitare bakhobi
farz nibhate he sab bari bari zor aazmate he par me to hanth jodke
vinamrta purvak yahi kahonga me jaisa tha jaisa hun waisa hi rahunga.
APPEARANCE- Average body, Not very smart, Whitish
complexion.
MEASUREMENTS- 165cm, 65kg & 32waist.
EDUCATION- MSc.-F.S.T, BEd. , P.R.C.N, Computer
application diploma.
PROFESSION- Educator,
N.C.C-Officer, Freelance writer, L.I.C-Insurance adviser.
STRENGTH- Strong willpower, Creativity,
Straightforwardness & Diligence.
WEAKNESS-Impatient
& Emotional.
IDEOLOGY- Simple living high
thinking & Better alone than a bad company.
LIKES- Beautiful faces and innocent mind, kids.
DISLIKES-Treachery, false commitments, Cunningness.
HOBBIES- Writing, Music & Drawing (Not perfect in any
of them)
BROKEN DREAMS- Sweet cute beauty lady who love me truly 4ever & ever
ALIVEN DREAMS- To have nice
cute but naughty baby (looking to adopt)
BEST FRIENDS-
Mr. Nagendra Shukla, Mr. Rajesh Pathak & Mr. Yogendra Srivastava (Bobby)LOVELOGY- People knocked entered enjoyed me & left to realize me that love is wastage of time , money and resources.
LIFE STORY
25 Aug. 1978 sham 4:25 par Kanpur ka
Marium Hospital hamari kilkariyon se goonj utha hamare badan me multani
mitti ki parat thi infection tha to 2din ICU me rahe, hamare peeth pe
hare neele nishan the matlab bhagwan ne laat maar ke duniya me bheja
tha. Hospital se discharge hue to station late pahunche mummi papa train
se Fatehpur gaoun k liye chale gaye hum dadi ki goud me babuji k saath
reh gaye hum log rickshaw karke bus stand pahunche to raste me andhere
me 4lutere mil gaye dadi ke gale me chaku rakh ke sab le liya dadi ki
hanth jodke request pe daya karke hume nahi le gaye fir hum log jaise
taise ghar pahunche.
2 years ke hue to papa hume mummi ke sath gaon
se sehar Kanpur ke paas Bhimsen le aye jahan wo service karte the tabhi
ek baar hume mata nikal aayi (Chiken pox) kehte he aisee me jiska
mundan na hua ho akela nahi chorte to mummi hume sula ke kitchen chali
gai thi hume pata nahi kya hua aankhen ulti ho gai badan bukhar me tapne
laga jubaan bahar nikal gai matlab lagbhag the end ho gaya papa aye aas
paas ke doctor ne jawab de diya tab sabke kehne par papa ek tantrik ke
paas gaye usne mantar pada aur pani padke diya bola 1-1 ghante me dete
rehna 12baje tak teen baar mout ke jhatke ayenge bach gaya to beta
tumhara 9pm se 12 pm mummi roti rahi 3baar jhatke lage par sans nahi
tuti subah fir shaitani shuru. Thode din baad 1din pani se bhari baalti
me oundhe muh gir pade to doob gaye pados ki aunty ne chat se dekha to
mummi ko danta hume bacha liya papa gussa hoke fir gaon chor aye wahan 5
saal ke the pneumonia typhoid ho gaya itna ki jaan pe ban ayi to fir
mummi akele hi hume leke Jhansi papa ke paas a gai to fir hamara illaz
hua aur KG me admission bhi.
Hosh sambhalte hi khud ko bahut sakht mahol me
paya to shaitani ke risk proof tarike nikalna jaldi seekh liya school ke
naam se paet me dard hota aur agar jate bhi to loose motion ke naam pe
bathroom me time paas karte the aur koi bahar se nikal ne ko kehta to
abi aur lagi he. Apne hisse ki khane ki cheez chupa dete the aur sab ke
saath khane ko baith jate lalach me, sab pyar se aur dete fir baad me
chupi cheez nikal ke khate itne chatore the ki jabtak kahte the jabtak
ki No-2 na lag jaye, koi ghar na hoto to kitchen me se mithai or mallai
gayab aur sab khula chor dete ki billi aayi hogi hume kya pata. School
me kabhi paas hi nahi hue to pareshan hoke mummi ne khud jake St. Marks
School me fir KG me admission dilaya 7 saal he hogaye the par
the lalchi bhondu bahut sharmile the ek baar to No1 &2 dono paint
me kardi par sharm ke mare lady teacher se nahi kaha ki lagi he zor se
class ki sab ladkiyan hasti to ghar makhiyon ke sath aye to dant mili
mummi se.School me ladai & baton me first padne me zero hamesha
blackboard pe hamara naam hota aur jada time class ke bahar punishment
me jata(outstanding performance), natija ye ki 8th class me
cell,multiply division, latitude longitude map globe, noun waoun kutch
nahi pata tha exam ke din ratke jaise taise promote hojate fir 8th
me hi school walon ne nikal diya.
Mummi ne fir paise deke 9th me
CIC jhokan bagh Jhansi me admission karaya to school chale jate the par
harkate waisi hi cycle school ke bahar tea stall pe rakhte the paet dard
ka bahana maar ke 10baje ghar TV dekhte the par tabhi 14-15 saal ke
honge papa ka accident hogaya malva express truck se takra gai thi papa
engine me dab gaye the engine kaat ke unhe nikala gaya sir & body me
fractures kafi the 2month ICU me the chalne layak hue to Mumbai me 3
operation hue wo kaam nahi kar sakte the ab, mummi ne hume paas me pulia
no-9 ke guruji ke paas tution laga diya us waqt kisi ne sath nahi diya
hum hospital ate jate ghar ka saamaan late tution jate school jate aur
jab mummi roti to bahut bura lagta, hum guruji ke pairon pe gir pade
kaha hume kaise bhi pada dijiye mummi ke ansuaon ne hume badal diya tha
fir 10th me guru ji ne maar maar ke hume yaad karaya maths
ratwa di kyun hume samjhana kisi ke bus ki baat na thi jitna samaj ata
padte ghar ka kaam bhi karte pocket money ke liya 1 tution bhi padate
the, Vaishnu devi se darshan ka wada kiya first aye to somwar brat bhi
kiya to 10th me first division paas ho gaye Biology me
distinction ke sath, sab to tajjub hua mummi papa khus hue fir to apni
nikal padi. 11th & 12th me 4tution jate school
jate ghar bhi dekhte aur 3tution padate the dinbhar cycle se ghumte the
thak jate to raat me kitchen me padte the neend ati to tea banate fir
padte the tution ka kaam ghar me hi karlete taki tution me baten Karen
ya sujata naam ki ladki ko dekhe (sirf dekhte the) ya teacher se faltu
ki pakau question kare tabi to sawalon se pareshan hoke PK saxena
(khatibaba) sir ne tution se bhaga diya to 3din undke darwaze par tution
time me khade rahe fir unhone maaf kiya mehnat ki Vaishnu devi se fir
darshan ka wada kiya aur 12th me bhi first division paas
hogaye biology me distinction bhi a gai. Tabhi chote bhai ko Dipression
ki bimari ho gai use kabhi bhi kutch bhi ho jata tha kahin bhi gir padta
behos ho jata uska illaz karaya mandir majzid vaidya haqeem Jhansi se
Mumbai tak chote bade hospital ki khaq chain 2saal me wo thik ho gaya.
Dr. ban ne ka sapna tha
to CPMT exam diya 3din Kanpur me the raat me waiting room me sote the
result aya to samajh gaye halua nahi he CPMT muskil bhi nahi tha par na
hi sahi guidance thi na coaching ke liye paise to tution padate ghar me
bhi dekhte BBC Jhs me BSc. Me admission liya college kam jate tution
jada padate saath me computer application diploma bhi kiya par computer
se apni jada jami nahi jab dekho syntax error koi thik se batane wala
bhi nahi tha fir bhi B-grade se paas kiya, BSc. exam ke time model paper
pada Vishnu devi se darshan ka wada kiya first division fir paas ho
gaye par BBC me MSc me admission nahi mila to Bundelkhand university me
MSc Food science se kiya sari padai apne paison se ki 3rd
semester me hi Baidyanath Ayurved factory Gwalior road me Trainee
Chemist appoint hue 1st shift college 2nd shift
factory jate MSc. Khatam hote hote School me Science Teacher appoint hue
padana bayen hanth ka khel laga to chipak gaye school me tabhi apna
chota sa ghar banwaya, baad me NCC Officer ki 3month maharasta OTA me
training ki A-grade se paas hue Commission officer bane, Isi beech ek
ladki ke baton me fas gaye uske aansuyon me zajbaat me beh gaye par
bahut jaldi dhokha mila aur akal dhikane a gayi, fir BEd. Ki jarurat
padi to IGNOU entrance diya select hue par 2marks se reh gaye gusse me
somwar brat tod diya shiv ji se raha na gaya to 2month baad fir call
letter aya admission liya 2007 me BEd. Kiya. Fir gharwalon ke kehne me
aake shadi bhi kardali par biwi ko pehle to hum devta jaise lage baad me
use hamari sonch samajh se iktifaq hone laga aur hum to ghadi bhi
isliye nahi pehante ki hume gulami pasand nahi fir chahe wo samay ki hi
kyun na ho to pyar kam ladai jada. Ab hume sister ki study complete
karake uski shadi karni he mummi papa ko khus rakhna he, bus ek baar
mata rani Vaishnu devi ke darbaar me haazri lagani he, par hum thode
sanki he pehle to gussa ata nahi a gaya to shiv ji bhi paarvati ke pallu
me chup jate he kutch dikhai nahi deta aur kutch kar na sake to fever a
jata he. Dekho age kya he hamare future me kon jane -----------END ABHI
BAKI HE--------
.